Անշարժ գույքի առուվաճառք. 5 ռիսկ, որոնց մասին պետք է իմանալ նախքան պայմանագիր կնքելը։
Ինչպե՞ս անվտանգ գնել կամ վաճառել բնակարան կամ հողամաս, և ինչպիսի՞ թաքնված իրավական ռիսկեր կարող են առաջանալ։
Բնակարանի, տան կամ հողամասի առուվաճառքը խոշոր ֆինանսական գործարք է, որտեղ անգամ փոքր անուշադրությունը կամ իրավական անհստակությունը կարող է հանգեցնել գույքի կամ դրամական միջոցների կորստի։
Որոնք են ամենատարածված իրավական ռիսկերը.
Գույքի վրա առկա սահմանափակումները (արգելանք, գրավ, վարձակալություն)
Նախքան գործարք կնքելը անհրաժեշտ է Կադաստրի կոմիտեից ստանալ միասնական տեղեկանք՝ առկա սահմանափակումների վերաբերյալ։ Սակայն հիշեք, որ որոշ իրավունքներ (օրինակ՝ այլ անձանց բնակվելու իրավունքը կամ չգրանցված վարձակալությունը) կարող են տեղեկանքում չարտացոլվել։
Երրորդ անձանց համաձայնության բացակայությունը
Եթե գույքը ձեռք է բերվել ամուսնության ընթացքում, այն համարվում է համատեղ սեփականություն։ Առանց ամուսնու/կնոջ համաձայնության կնքված գործարքը հետագայում կարող է անվավեր ճանաչվել դատարանով։
Կառուցապատողից անշարժ գույքի ձեռքբերման ռիսկերը (գնման իրավունք)
Անավարտ շենքերում բնակարան գնելիս կարևոր է ուսումնասիրել կառուցապատողի ֆինանսական կայունությունը, շինարարության թույլտվությունները և հատուկ հաշիվների առկայությունը։
Գումարի փոխանցման և հանձնման-ընդունման կարգը
Պայմանագրում պետք է հստակ սահմանվեն վճարման ժամկետները, եղանակը և գույքի ազատման ու փաստացի հանձնման ճշգրիտ ժամկետները։
Հողամասերի նպատակային նշանակությունը
Հողամաս գնելիս համոզվեք, որ դրա նպատակային նշանակությունը (օրինակ՝ բնակավայրերի, գյուղատնտեսական) համապատասխանեցված է Ձեր նպատակներին, այլապես չեք կարողանա օրինական շինարարություն իրականացնել։
Legal C-ի խորհուրդը. Մինչ նոտարական վավերացումը կամ պայմանագրի ստորագրումը, դիմեք փաստաբանի՝ գործարքի ամբողջական իրավական աուդիտ (Due Diligence) իրականացնելու համար։